Harari

Qixesheem tenawaxa, wekamsheem kilemehasabew

Ziday terahaqot dayhewaz aafiya meqerahle dirqi yetkhishizal halli kutbe zitnesa qirar estazom, bejih zi aafiya, zi dayhewaz zi eqtisadiya derar bah yidijzal natuw nuqana.

Zigadaru Xey Africa beqagna dayhawaz ma GTA shirtibe zalachbe egna ahadzo mokhnazinabe COVID 19 Nazu beqadum abzah Eritrea wa Ethiopiaach menberti gar meg gna, dilaga wa zi aafiya khidma meg gna nessib chinqi yiburdibayu zinaranetuw nuqana.

CERB wa CESB be yisexzalu girgarach emelmana derar ziboradabeyach, awinta resmi dilaga zelelayach ma mehaleq ejibe kiltesexeyu yidelgizalachle, qachi ardewijachle, lesfegag dilagabe zalachle, bad weraqa zelelayachle yi girgarazo zeybordeyu zalnetuwum nuqana. Dibayabem, ziday terahaqot usu gar usxu nibrizowum zabesebew natuw, yinebriba gar qibachbe ugabe mewdaqzow, dirqi zikhanabeyach nefsiya ziyube derar yiburdi atayachbe mewdeqziyewm nuqana.Akha weqtibe nazuzow zatkhetalew derararuw metkhterle yisexzal girgara chinqibe zal dayhewazinale yiburdizal khanama altrikhbam.Yilem xebiqbe mehaleq be girgara mosha umetzinale yetkhishahal.

Yilem mosha zikhashnew yin ta:

Yi nazube derar zikhanu Eritrea wa Ethiopia gar hewazach wa qer hewazchuw ahadebe mesametma medgagnanta.

Hukumazobe girgarazo yibordeyohol be metrekaz yoqumel. Yi ummetzina menbertiziyule yetkhishizal girgarale egna ruhzinazax halli mekhleqbe nitwaxaw melahna.

Yi kushkushtibe yisametzal mehaleq COVID 19 nazube chinqi ziboradebeyu Eritreachle wa Ethiopiach le ejiziyube yisexzal yukhunal. Yi mehaleq deruri yetkhishayu usuach muxilenta..

Neu Egnabah Tedebalu:

Toronto shirtibe yinebrizalu Eritreanach wa Ethiopianachuw medgagnale ahadgirle yikhunzal $ 5,000 mehaleq girgara mesamet niglana.

Yi yisametzal mehaleq xebiqbe Nazuzo sebabe emelmana derar zikhnachle neburdana. Xelhabti khushanatziyu mabeynabe, gar kiral, dewa, hangur wa mey ziqam wa zi urus netu zalbayachle, medgagnaw yatkhatal, yi muxibe aytibeqmam. Yi girgaraw meggna yekhashizalach bajeeh sheziyuw dirre mosha yiteqabayumel. Kooti haletachuw akamelu gira girgarazow meggna yiferkalu.

Maninta Girgara Methebar Yiferkizal?

Yi Eri_Ethio COVID 19 Dabli Girgara yikhunazal Zigadara Toroto Shirtibe zalu Eritrea wa/Altanum Ethiopia assasnet zalayachma yitkhetelu shetxiyachuw yekelizalachle yikhunal.

Alta:

Alif ) CERB,CESB, EI , Altanum ahad ayna Hukuma girgara zeyborda:

Altanum:

Ba^ ) Hukuma girgara yegegnzal (CERB, EI, CESB, ODSP wa alay ayna girgaraw yetkhatizal yukhunma ) Wa:

Ta^ ) Waqtizo zetkhetalew chinqi sebab be mehalaq hixra nibarotzow mekmel zigadadew.

Yi bernamijzina yitegelazal Arba^ yam June 2 be yikhunal.

Yi bernamijzina metegelzow moqale khana, egna bah teraot moshabe mesananle tekhasha nargira welebayachzibah silki memhaxbe be moqale tekhashozakhu hibriyach khole raddi meggna tiferkakhu.Egna Mananchintana ?

Egna Mananchintana ?

Egna Zigadara Toronto Shirti be zinabernama zilemadna Eritrea wa Ethiopia dayhawazchbe zithafeqna Azeb Jamaachintana. Abzahzina Eritrea wa Ethiopia affocha chekhalotle zigerabzina atachot zashnachintana. Yi qifigna zetkhetalew derarle girgara mefachazinam, derarzow megelbe egna laaybe meboredzo sebab benta.

Amantizigna, ziday chinqizignaw daybe halli mefacha membertizignale dirqi yetkhishi girgabotinta. Sebabzom zal munazama be yisexibe zal girgara egnach halatzignale zayo melta. Yi girgara sdaqa melta. Egnach menberti le yetkhishizal khushonazinaw yenawxile yiferkizal halli meg gnale dayhewazina mexeqbe meqananinta.

Yi ayna dilaga usxu meboazinam ummetzinabah zixebeqa teraot menbertzio wa menchinatbe meqnaneti yisxunazalach wa mexazinabe yiqazalach meberti ziyubenta.

Yi mehaleq mesamat wa girgara yetkhishayu abaluyachuw memleh dilagachuw yidelgikut ziqnana Committew, qachibe yukhunuma girgara yashunazalachum Eritreawa Ethiopia Affochachbe amantiziyube wa eqadnatziyube gidir atay zalayach mexeqzinabe meqananziyubenta.Azokutszom, Zigadera Toronto Shirtibe zalu Eritrea wa Ethiopia Wixniyach, Qer Hewaz Walyach wa Affet qam shirtibe yidelgizalach, Azeb Diplomatach, New Nakfa, , Midtown, People To People, Aid Organization in Canada, wa CEE Centre for Young , Black Professionals, wixniyach mexaqzinabe meqanenziyube benta..

Tethibro Hibri Halakhugira email zinabe terauna: eecovidfund@gmail.com


© 2020 ERI-ETHIO COVID-19 SOLIDARITY FUND | All rights reserved. Some material has been re-purposed from the #ShareMyCheque campaign. Visit ShareMyCheque.org to learn more. Thank you to all our volunteer translators from across the world!
Powered by Webnode
Create your website for free!